ಕಡಬ: ವೈದ್ಯಾಧಿಕಾರಿಯಾಗಿ ಸುಮಾರು 25 ವರ್ಷಗಳ ಕಾಲ ಸೇವೆ ಸಲ್ಲಿಸಿ ನಿವೃತ್ತರಾದ ಹೆಸರಾಂತ ವೈದ್ಯಧಿಕಾರಿ ಡಾ. ತ್ರಿಮೂರ್ತಿ ವಿ.ಕೆ ಅವರು ಅಕ್ಟೋಬರ್ 2ರಿಂದ ಕಡಬದ ಕಳಾರದಲ್ಲಿರುವ ” ಕಡಬ ಮೆಡಿಕಲ್ ಸೆಂಟರ್” ನಲ್ಲಿ ತಮ್ಮ ವೈದ್ಯಕೀಯ ಸೇವೆಯನ್ನು ಮುಂದುವರಿಸಲಿದ್ದಾರೆ.
ಡಾ. ತ್ರಿಮೂರ್ತಿ ವಿ.ಕೆ ಅವರು ಈ ಕೇಂದ್ರದಲ್ಲಿ ಪೂರ್ಣಾವಧಿಯಲ್ಲಿ ಜನರಿಗೆ ಲಭ್ಯರಾಗುವ ಮೂಲಕ, ತಮ್ಮ ಜನಪರ ಸೇವೆಯನ್ನು ಮತ್ತೆ ಮುಂದುವರಿಸಲಿದ್ದಾರೆ. ಇತ್ತೀಚೆಗೆ ಕಡಬ ಮೆಡಿಕಲ್ ಸೆಂಟರ್‌ನ ಆಡಳಿತ ಮಂಡಳಿ ಹಾಗೂ ಸಿಬ್ಬಂದಿಗಳು ಡಾ. ತ್ರಿಮೂರ್ತಿ ವಿ.ಕೆ ಅವರನ್ನು ಅವರ ನಿವಾಸದಲ್ಲಿ ಭೇಟಿ ಮಾಡಿ ಗೌರವಿಸಿದರು.
ಈ ಸಂದರ್ಭದಲ್ಲಿ ವಂದನೀಯ ಫಾ. ಪಿಕೆ ಅಬ್ರಹಾಂ ಕೋರ್ ಎಪಿಸೆಕೋಪಾ, ಸಂಸ್ಥೆಯ ಮಾಲಕಿ ಲಿನ್ಸಿ ಸಂತೋಷ್ ಅವರೊಂದಿಗೆ ಹಾಜರಿದ್ದರು. ಅವರು ಹೂಗುಚ್ಚ ನೀಡಿ, ತಮ್ಮ ಸಂಸ್ಥೆಯ ಪರವಾಗಿ ಅಧಿಕೃತ ಆಹ್ವಾನ ನೀಡಿ, ಕೇಂದ್ರದಲ್ಲಿ ಸೇವೆ ಪ್ರಾರಂಭಿಸಲು ಆತ್ಮೀಯವಾಗಿ ಬರಮಾಡಿಕೊಂಡರು.
ಕಡಬ ಹಾಗೂ ಸುಬ್ರಹ್ಮಣ್ಯದ ಜನಮನ ಗೆದ್ದ ವೈದ್ಯರಾಗಿ ಖ್ಯಾತಿ ಪಡೆದಿರುವ ಡಾ. ತ್ರಿಮೂರ್ತಿ ವಿ.ಕೆ ಅವರು ತಮ್ಮ ಸೇವಾ ಅವಧಿಯಲ್ಲಿ ಕಡಬ ಸಮುದಾಯ ಆರೋಗ್ಯ ಕೇಂದ್ರದಲ್ಲಿ ಹಾಗೂ ಸುಬ್ರಹ್ಮಣ್ಯ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಜನಪರ ವೈದ್ಯರಾಗಿ ಸೇವೆ ಸಲ್ಲಿಸಿದ್ದಾರೆ. ಅಲ್ಲದೆ, ಅವರು 5 ತಿಂಗಳುಗಳ ಕಾಲ ಸುಳ್ಯ ತಾಲೂಕು ಆರೋಗ್ಯಾಧಿಕಾರಿಯಾಗಿ ಕರ್ತವ್ಯ ನಿರ್ವಹಿಸಿ, ಜನಮಾನಸದಲ್ಲಿ ಒಳ್ಳೆಯ ಹೆಸರು ಗಳಿಸಿಕೊಂಡಿದ್ದಾರೆ.
ನಿವೃತ್ತಿಯ ನಂತರವೂ ಜನತೆಯ ಸೇವೆ ಮಾಡಲು ಮುಂದಾಗಿರುವ ಅವರ ನಿರ್ಧಾರ ನಿಜಕ್ಕೂ ಶ್ಲಾಘನೀಯವಾಗಿದೆ. ನಮ್ಮ ಮೆಡಿಕಲ್ ಸೆಂಟರ ನಲ್ಲಿ ಪೂರ್ಣಾವಧಿಯಲ್ಲಿ ತೊಡಗಿಸಿಕೊಳ್ಳುವ ಮೂಲಕ ನಮ್ಮೊಂದಿಗೆ ಕೈಜೋಡಿಸಲಿದ್ದಾರೆ. ಜನರು ತಮ್ಮ ಆರೋಗ್ಯದಲ್ಲಿ ಏರುಪೇರು ಕಂಡು ಬಂದಾಗ ಯಾವುದೇ ಸಮಯದಲ್ಲೂ ಚಿಕಿತ್ಸೆಗಾಗಿ ಬರಬಹುದು . ದಿನಪೂರ್ತಿ ಡಾ. ತ್ರಿಮೂರ್ತಿ ವಿ.ಕೆ ಲಭ್ಯವಿದ್ದಾರೆ ಎಂದು ಸಂಸ್ಥೆಯ ಮಾಲಕಿ ಲಿನ್ಸಿ ಸಂತೋಷ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
