ಕಡಬ ಟೈಮ್ಸ್ (KADABA TIMES):ಸುಬ್ರಹ್ಮಣ್ಯ: ಜನವಸತಿ ಪ್ರದೇಶದೆಡೆಗೆ ಬಂದ ಕಾಳಿಂಗ ಸರ್ಪವೊಂದು ಆಪತ್ತಿಗೆ ಸಿಲುಕಿ ಕೊನೆಗೆ ಉರಗಪ್ರೇಮಿಯೊಬ್ಬರ ನಿರಂತರ ಪ್ರಯತ್ನದಿಂದ ಸುರಕ್ಷಿತವಾಗಿ ಕಾಡು ಸೇರಿದೆ.
ಕಡಬ ತಾಲೂಕಿನ ಆದಿ ಸುಬ್ರಹ್ಮಣ್ಯ ಸಮೀಪದ ತೋಟದಲ್ಲಿ ಕಾಳಿಂಗ ಸರ್ಪವೊಂದು ಕೃಷಿ ರಕ್ಷಣೆಗೆ ಅಳವಡಿಸಿದ್ದ ಬಲೆಗೆ ಸಿಲುಕಿ ತನ್ನ ಜೀವ ಉಳಿಸಿಕೊಳ್ಳಲು ಹೋರಾಡುತ್ತಿತ್ತು . ಈ ದೃಶ್ಯ ಗಮನಿಸಿದ ಸ್ಥಳೀಯರು ಸುಬ್ರಹ್ಮಣ್ಯದ ಉರಗ ಪ್ರೇಮಿ ಮಾಧವ ಅವರಿಗೆ ಮಾಹಿತಿ ನೀಡಿದ್ದರು.
ತಕ್ಷಣ ಸ್ಥಳಕ್ಕೆ ತಲುಪಿದ ಉರಗ ಪ್ರೇಮಿ, ಕಾಳಿಂಗ ಸರ್ಪದ ಹೊಟ್ಟೆಯ ಭಾಗದಲ್ಲಿ ಸುತ್ತಿಕೊಂಡಿದ್ದ ಬಲೆಯ ತುಂಡನ್ನು ತೆಗೆದು ಪ್ರಾಣಾಪಾಯದಿಂದ ರಕ್ಷಿಸಿದ್ದಾರೆ. ಬಲೆಯಿಂದ ಮುಕ್ತಗೊಂಡ ಕಾಳಿಂಗ ಸರ್ಪ ತನ್ನ ಪಾಡಿಗೆ ಕಾಡಿನತ್ತ ಸಾಗಿದೆ.
ಉರಗತಜ್ಞ ಮಾಧವ ಅವರು ಕಡಬ ಟೈಮ್ ಜೊತೆ ಮಾತನಾಡಿ, ಪ್ರಾಣಿಗಳ ಉಪಟಳದಿಂದ ಮುಕ್ತಿ ಪಡೆಯಲು ಬೇಲಿಯಲ್ಲಿ ಬಲೆ ಅಳವಡಿಸಿದ್ದರು . ಆ ಬೇಲಿ ಬಲೆಯಲ್ಲಿ ಕಾಳಿಂಗಸರ್ಪ ಸಿಕ್ಕಿಹಾಕಿಕೊಂಡಿದೆ. ಅದನ್ನು ರಕ್ಷಿಸಿದ್ದೇನೆ. ಮಾರ್ಚ್ ಮತ್ತು ಏಪ್ರಿಲ್ ತಿಂಗಳಲ್ಲಿ ಕಾಳಿಂಗ ಸರ್ಪಗಳ ವಂಶಾಭಿವೃದ್ಧಿ ಸಮಯವಾಗಿದ್ದು, ಇವು ಈಗ ಎಲ್ಲೆಡೆ ಅತ್ತಿಂದಿತ್ತ ಓಡಾಡುತ್ತಿರುತ್ತವೆ” ಸಾರ್ವಜನಿಕರು ಎಚ್ಚರದಿಂದ ಇಅರಬೇಕು, ಅವುಗಳ ಎದುರುಗೊಂಡಾಗ ತೊಂದರೆ ಮಾಡಬಾರದು ಎಂದಿದ್ದಾರೆ.
ಕೃಷಿಕರು ತಾವು ಉಪಯೋಗಿಸಿದ ತ್ಯಾಜ್ಯ ವಸ್ತುಗಳನ್ನು ಎಲ್ಲೆಂದರಲ್ಲಿ ಬಿಸಾಡಬಾರದು, ಅವುಗಳು ಜಲಚಲಗಳಿಗೆ, ಪ್ರಾಣಿಗಳಿಗ ಜೀವಕ್ಕೆ ಅಪಾಯ ತರುವ ಸಾಧ್ಯತೆ ಹೆಚ್ಚು. ಆದ್ದರಿಂದ ಈ ಬಗ್ಗೆ ಜನರು ಜಾಗೃತರಾಗಬೇಕಿದೆ.
