ಕಡಬ:ಏಳು ವರ್ಷದ ಹಿಂದೆ ಕಡಬ ಠಾಣಾ ವ್ಯಾಪ್ತಿಯ ಆಲಂಕಾರಿನಲ್ಲಿ ನಡೆದ ಹಲ್ಲೆ ಪ್ರಕರಣದ ಆರೋಪಿಗಳಿಬ್ಬರನ್ನು ಪುತ್ತೂರು ಜಿಲ್ಲಾ ಮತ್ತು ಸತ್ರ ನ್ಯಾಯಾಲಯ ದೋಷಮುಕ್ತಗೊಳಿಸಿ ತೀರ್ಪು ನೀಡಿದೆ.
ಈ ಸುದ್ದಿ ಓದಿರಿ:ಆಲಂಕಾರಿನ ಅಂಗನವಾಡಿ ಕೇಂದ್ರದಿಂದ ಕಳ್ಳತನ ಪ್ರಕರಣ:ಎರಡು ತಿಂಗಳಾಗುತ್ತಾ ಬಂದರೂ ಕಳ್ಳರ ಸುಳಿವಿಲ್ಲ
ಆಲಂಕಾರು ನಿವಾಸಿ ರಮೇಶ್(30ವ)ಅವರು 2018ರ ಮಾ.22ರಂದು ತೋಟದ ಕೆಲಸ ಮುಗಿಸಿ ಮನೆಗೆ ಬರುತ್ತಿದ್ದಾಗ ಆಲಂಕಾರು ಗ್ರಾಮದ ನೀರಕಣಿ ಎಂಬಲ್ಲಿ ರವೀಂದ್ರ ಪೂಜಾರಿ ಮತ್ತವರ ಮಗ ಜಯಕೀರ್ತಿ ಅವರು, ರಮೇಶ್ ಅವರನ್ನು ತಮ್ಮಲ್ಲಿಗೆ ಕೆಲಸಕ್ಕೆ ಬರುವಂತೆ ಹೇಳಿ,ಅವಾಚ್ಯ ಶಬ್ದಗಳಿಂದ ನಿಂದಿಸಿ ಹಲ್ಲೆ ನಡೆಸಿದ್ದರು ಎಂದು ಆರೋಪಿಸಲಾಗಿತ್ತು.ಬಳಿಕ ರಮೇಶ್ ಅವರು ಗಾಯಗೊಂಡು ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು.
ಈ ಸುದ್ದಿ ಓದಿರಿ : ಕುಂತೂರು ಮಸೀದಿ ಬಳಿ ರಸ್ತೆ ದಾಟುತ್ತಿದ್ದ ಬಾಲಕನಿಗೆ ಕಾರು ಡಿಕ್ಕಿ
ಹಲ್ಲೆ ನಡೆಸಿದ ಆರೋಪದಲ್ಲಿ ರವೀಂದ್ರ ಪೂಜಾರಿ ಮತ್ತು ಜಯಕೀರ್ತಿ ಅವರ ವಿರುದ್ಧ ಕಡಬ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ನ್ಯಾಯಾಲಯಕ್ಕೆ ದೋಷಾರೋಪಣ ಪಟ್ಟಿ ಸಲ್ಲಿಸಿದ್ದರು.ವಿ ಚಾರಣೆ ನಡೆಸಿದ ನ್ಯಾಯಾಲಯ ಆರೋಪಿಗಳಿಬ್ಬರನ್ನು ದೋಷಮುಕ್ತಗೊಳಿಸಿ ತೀರ್ಪು ನೀಡಿದೆ.
ಆರೋಪಿಗಳ ಪರ ವಕೀಲರಾದ ಮಾಧವ ಪೂಜಾರಿ, ರಾಕೇಶ್ ಮಸ್ಕರೇನ್ಹಸ್, ಮೋಹಿನಿ ವಾದಿಸಿದ್ದರು.
