ಕಠ್ಮಂಡು / ರಸುವಾ:ನೇಪಾಳದ ರಸುವಾ ಜಿಲ್ಲೆಯಲ್ಲಿ ಸಂಭವಿಸಿದ ರುದ್ರ ರಮಣೀಯ ಪ್ರವಾಹ ಹಾಗೂ ಬೆಟ್ಟ ಕುಸಿತದ ರುದ್ರನರ್ತನಕ್ಕೆ ನೂರಾರು ಮನೆಗಳು ಅಕ್ಷರಶಃ ಧರೆಗುರುಳಿದ್ದು, ಅಪಾರ ಪ್ರಮಾಣದ ಜೀವಹಾನಿ ಸಂಭವಿಸಿದೆ. ಹತ್ತಾರು ಜನರು ನಾಪತ್ತೆಯಾಗಿರುವ ಈ ಭೀಕರ ದುರಂತದ ಕಗ್ಗತ್ತಲ ನಡುವೆ, ದೇವರ ಪವಾಡವೆಂಬಂತೆ 6 ವರ್ಷದ ಪುಟ್ಟ ಬಾಲಕಿ ಮನಿಷಾ ಸತತ 60 ಗಂಟೆಗಳ ಕಾಲ ಮಣ್ಣಿನಡಿಯಲ್ಲಿ ಸಿಲುಕಿಯೂ ಸಾವನ್ನು ಗೆದ್ದು ಜೀವಂತವಾಗಿ ಹೊರಬಂದಿದ್ದಾಳೆ.
నేపాల్ లో అద్భుతం !
60 గంటలపాటు మృత్యువుతో పోరాడి గెలిచిన 6 ఏళ్ల చిన్నారి !!
శిథిలాల కింద దాదాపు 60 గంటల పాటు కూరుకుపోయిన 6 ఏళ్ల మనీషా ప్రాణాలతో బయటపడింది. రసువాలో శిథిలాల కింద నుంచి చిన్నగా ఏడుపు వినిపించడంతో రెస్క్యూ సిబ్బంది గుర్తించారు.
వెంటనే శిథిలాలను తవ్వి చిన్నారిని… pic.twitter.com/dOlNfYgknA
— Ravi Prakash Official (@raviprakash_rtv) August 31, 2026
ಮೂರು ದಿನಗಳ ಕಾಲ ಕಲ್ಲು-ಮಣ್ಣಿನ ರಾಶಿಯಲ್ಲಿ ಉಸಿರಾಟ:
ರಸುವಾ ಭಾಗದಲ್ಲಿ ಭೀಕರ ಭೂಕುಸಿತ ಸಂಭವಿಸಿ ಈಗಾಗಲೇ ಮೂರು ದಿನಗಳು ಕಳೆದಿವೆ. ಗಂಟೆಗಳು ಉರುಳುತ್ತಿದ್ದಂತೆ ಕಲ್ಲು, ಮಣ್ಣು ಹಾಗೂ ಬೃಹತ್ ಅವಶೇಷಗಳ ರಾಶಿಯ ಕೆಳಗೆ ಯಾರಾದರೂ ಬದುಕಿರುತ್ತಾರೆ ಎಂಬ ನಿರೀಕ್ಷೆ ಕ್ಷೀಣಿಸುತ್ತಿತ್ತು. ಆದರೆ, ವಿಪತ್ತು ನಿರ್ವಹಣಾ ರಕ್ಷಣಾ ಸಿಬ್ಬಂದಿ ಮಾತ್ರ ಕೊನೆಯ ಕ್ಷಣದವರೆಗೂ ತಮ್ಮ ಶೋಧ ಕಾರ್ಯಾಚರಣೆಯನ್ನು ಸ್ಥಗಿತಗೊಳಿಸಿರಲಿಲ್ಲ.
ಅವಶೇಷಗಳನ್ನು ತೆರವುಗೊಳಿಸುತ್ತಿದ್ದ ಸಂದರ್ಭದಲ್ಲಿ, ಕಲ್ಲುಗಳ ಸಂದಿನಿಂದ ಅತ್ಯಂತ ಕ್ಷೀಣ ಧ್ವನಿಯೊಂದು ರಕ್ಷಣಾ ಪಡೆಯ ಸಿಬ್ಬಂದಿಗೆ ಕೇಳಿಸಿತು. ಅದು ಮಣ್ಣಿನಡಿಯಲ್ಲಿ ಸಿಲುಕಿದ್ದ ಪುಟ್ಟ ಬಾಲಕಿ ಮನಿಷಾ ಸಹಾಯಕ್ಕಾಗಿ ಮಾಡುತ್ತಿದ್ದ ಆಕ್ರಂದನವಾಗಿತ್ತು.
ಉಸಿರು ಬಿಗಿಹಿಡಿದು ನಡೆಸಿದ ರಕ್ಷಣಾ ಕಾರ್ಯಾಚರಣೆ: ಮಗುವಿನ ಕ್ಷೀಣ ಧ್ವನಿ ಕೇಳಿಸುತ್ತಿದ್ದಂತೆಯೇ ರಕ್ಷಣಾ ಪಡೆಗೆ ಹೊಸ ಚೈತನ್ಯ ಬಂದಂತಾಯಿತು. ಯಾವುದೇ ಯಂತ್ರೋಪಕರಣಗಳನ್ನು ಬಳಸಿದರೆ ಕಲ್ಲುಗಳು ಕುಸಿದು ಮಗುವಿನ ಪ್ರಾಣಕ್ಕೆ ಕುತ್ತು ಬರಬಹುದು ಎಂಬ ಕಾರಣಕ್ಕೆ, ಸಿಬ್ಬಂದಿ ಕೈಗಳಿಂದಲೇ ಅತ್ಯಂತ ಸೂಕ್ಷ್ಮವಾಗಿ ಕಲ್ಲು-ಮಣ್ಣುಗಳನ್ನು ತೆರವುಗೊಳಿಸಲು ಆರಂಭಿಸಿದರು.
ಸತತ ಪ್ರಯತ್ನದ ಬಳಿಕ ಕಲ್ಲುಗಳ ಮಧ್ಯೆ ಉಸಿರಾಡುತ್ತಿದ್ದ ಬಾಲಕಿ ಮನಿಷಾ ಕಣ್ಣಿಗೆ ಬಿದ್ದಿದ್ದಾಳೆ. ಆಕೆಯನ್ನು ರಕ್ಷಣಾ ಸಿಬ್ಬಂದಿ ಸುರಕ್ಷಿತವಾಗಿ ಮೇಲಕ್ಕೆತ್ತುತ್ತಿದ್ದಂತೆ, ಮೂರು ದಿನಗಳ ಕಾಲ ಆತಂಕದಲ್ಲಿದ್ದ ಸ್ಥಳೀಯರು ಹಾಗೂ ರಕ್ಷಣಾ ತಂಡದ ಕಣ್ಣುಗಳಲ್ಲಿ ಆನಂದಭಾಷ್ಪ ಹರಿಯಿತು.
ತಕ್ಷಣವೇ ಬಾಲಕಿಯನ್ನು ಪ್ರಥಮ ಚಿಕಿತ್ಸೆ ನೀಡಿ ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಪ್ರಾಣಾಪಾಯ ದೂರವಾಗಿದೆ ಎಂದು ತಿಳಿದುಬಂದಿದೆ.
నేపాల్ లో అద్భుతం !
60 గంటలపాటు మృత్యువుతో పోరాడి గెలిచిన 6 ఏళ్ల చిన్నారి !!
శిథిలాల కింద దాదాపు 60 గంటల పాటు కూరుకుపోయిన 6 ఏళ్ల మనీషా ప్రాణాలతో బయటపడింది. రసువాలో శిథిలాల కింద నుంచి చిన్నగా ఏడుపు వినిపించడంతో రెస్క్యూ సిబ్బంది గుర్తించారు.
వెంటనే శిథిలాలను తవ్వి చిన్నారిని… pic.twitter.com/dOlNfYgknA
— Ravi Prakash Official (@raviprakash_rtv) August 31, 2026
