ಕಡಬ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಎಂಡೋಸಲ್ಫಾನ್ ಪೀಡಿತ ಯುವತಿ ಸುನಂದಾ ಮೂಲಸೌಕರ್ಯವಿಲ್ಲದೆ ಪರದಾಡುತ್ತಿದ್ದಾರೆ. 8 ಲಕ್ಷ ವೆಚ್ಚದ ಸಮುದಾಯ ಶೌಚಾಲಯವಿದ್ದರೂ ಅಸಲಿ ಫಲಾನುಭವಿಗೆ ಸಿಗದ ನ್ಯಾಯದ ಬಗ್ಗೆ ವಿಶೇಷ ವರದಿ.ಕಡಬ: “ಅಭಿವೃದ್ಧಿಯ ಹರಿಕಾರರು” ಎಂದು ಬಿಂಬಿಸಿಕೊಳ್ಳುವ ಜನಪ್ರತಿನಿಧಿಗಳ ಕಣ್ಮುಂದೆಯೇ ಎಂಡೋಸಲ್ಫಾನ್ ಪೀಡಿತ ಯುವತಿಯೊಬ್ಬಳು ಕನಿಷ್ಠ ಸೌಲಭ್ಯಗಳಿಲ್ಲದೆ ನರಕಯಾತನೆ ಅನುಭವಿಸುತ್ತಿರುವ ಘಟನೆ ಕಡಬ ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ಬೆಳಕಿಗೆ ಬಂದಿದೆ. ಇದು ಕೇವಲ ಒಂದು ಕುಟುಂಬದ ಕಥೆಯಲ್ಲ, ಬದಲಾಗಿ ನಮ್ಮ ಆಡಳಿತ ವ್ಯವಸ್ಥೆಯ ನಿರ್ಲಕ್ಷ್ಯಕ್ಕೆ ಹಿಡಿದ ಕೈಗನ್ನಡಿಯಾಗಿದೆ.

ಕಡಬ ಪಟ್ಟಣ ಪಂಚಾಯತ್ ವ್ಯಾಪ್ತಿಯ ಕೋಡಿಂಬಾಳ ಗ್ರಾಮದ ದೊಡ್ಡಕೊಪ್ಪ ವಾರ್ಡ್‌ನ ದಾಸರಗುಡ್ಡೆ ನಿವಾಸಿ ಸುನಂದಾ, ಪರಿಶಿಷ್ಟ ಸಮುದಾಯಕ್ಕೆ ಸೇರಿದ ಎಂಡೋಸಲ್ಫಾನ್ ಪೀಡಿತ ಅಂಗವಿಕಲ ಯುವತಿ. ಹಿಂದೆ ಸಂಸ್ಥೆಯೊಂದರ ನೆರವಿನಿಂದ ನಿರ್ಮಿಸಿಕೊಟ್ಟಿದ್ದ ಸಣ್ಣ ಗೂಡು ರೂಪದ ಶೌಚಾಲಯ ಈಗ ಸಂಪೂರ್ಣ ಶಿಥಿಲಗೊಂಡು ಸೋರುತ್ತಿದೆ. ಸ್ನಾನ ಮಾಡಲು ಸೂಕ್ತ ವ್ಯವಸ್ಥೆಯಿಲ್ಲದ ಕಾರಣ, ಈಕೆ ಶೌಚಾಲಯಕ್ಕೆ ಹೋಗಲು ಅನ್ಯರ ಸಹಾಯವನ್ನೇ ಅವಲಂಬಿಸಿದ್ದಾರೆ. ವಿಪರ್ಯಾಸವೆಂದರೆ, ಘನತೆಯಿಂದ ಬದುಕಬೇಕಾದ ಈ ಯುವತಿ ರಾತ್ರಿ ವೇಳೆ ಬಯಲಿನಲ್ಲಿ ಸ್ನಾನ ಮಾಡಬೇಕಾದ ದುಸ್ಥಿತಿಯಲ್ಲಿದ್ದಾರೆ.

ಎಂಡೋಸಲ್ಫಾನ್ ಪೀಡಿತರ ಹಕ್ಕುಗಳ ಉಲ್ಲಂಘನೆ: ಉಚ್ಚ ನ್ಯಾಯಾಲಯದ ನಿರ್ದೇಶನದಂತೆ, ಎಂಡೋಸಲ್ಫಾನ್ ಪೀಡಿತರಿಗೆ ವಿಶೇಷ ಕಾಳಜಿ, ವೈದ್ಯಕೀಯ ಸೌಲಭ್ಯ ಮತ್ತು ವಸತಿ ಯೋಜನೆಗಳಲ್ಲಿ ಆದ್ಯತೆ ನೀಡುವುದು ಕಡ್ಡಾಯ. ಅಧಿಕಾರಿಗಳು ಇವರ ಸ್ಥಿತಿಯನ್ನು ಪರಿಶೀಲಿಸಿ ತಕ್ಷಣದ ಪರಿಹಾರ ನೀಡದಿದ್ದರೆ ಅದು ನ್ಯಾಯಾಲಯದ ಆಶಯಕ್ಕೆ ವಿರುದ್ಧವಾದುದು.

ಈ ಕುರಿತು ವೀಡಿಯೋ ಚಿತ್ರೀಕರಿಸಿ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ಮಹಮ್ಮದ್  ಆಲಿ ಹಳೇಸ್ಟೇಷನ್ ಅವರು ವ್ಯವಸ್ಥೆಯ ವಿರುದ್ಧ ಕೆಂಡ ಕಾರಿದ್ದಾರೆ. “ಈ ಭಾಗದಲ್ಲಿ ಸಾರ್ವಜನಿಕರ ತೆರಿಗೆಯ ಸುಮಾರು 8 ಲಕ್ಷ ರೂಪಾಯಿ ವೆಚ್ಚ ಮಾಡಿ ಸಮುದಾಯ ಶೌಚಾಲಯ ನಿರ್ಮಿಸಲಾಗಿದೆ. ಆದರೆ ಅಸಲಿ ಫಲಾನುಭವಿಗಳಿಗೆ ಇದರ ಪ್ರಯೋಜನವಿಲ್ಲ. ಬಡವರ ಹಕ್ಕನ್ನು ಕಿತ್ತುಕೊಳ್ಳುವುದು ಎಷ್ಟು ಸರಿ? ವೋಟ್ ಪಡೆಯುವ ಕೆಪಾಸಿಟಿ ಇರುವ ಕೌನ್ಸಿಲರ್‌ಗಳಿಗೆ ಸೌಲಭ್ಯ ಒದಗಿಸುವ ಕೆಪಾಸಿಟಿ ಇಲ್ಲವೇ?” ಎಂದು ಅವರು ನೇರವಾಗಿ ಪ್ರಶ್ನಿಸಿದ್ದಾರೆ.

ಭರವಸೆ ನೀಡಿದ್ದ ಅಧ್ಯಕ್ಷೆ, ಸುಳಿಯದ ವಾರ್ಡ್ ಸದಸ್ಯೆ!: ಸುಮಾರು ಎರಡು ತಿಂಗಳ ಹಿಂದೆ ಪಟ್ಟಣ ಪಂಚಾಯತ್ ನೂತನ ಅಧ್ಯಕ್ಷೆ ತಮ್ಮನಾ ಜಬೀನ್ ಅವರು ಈ ಕಾಲನಿಗೆ ಭೇಟಿ ನೀಡಿದ್ದಾಗ ಸುನಂದಾ ಅವರ ಸ್ಥಿತಿಯನ್ನು ಕಂಡು ಕರಗಿ ಹೋಗಿದ್ದರು. ಸಂಬಂಧಪಟ್ಟ ಅಧಿಕಾರಿಗಳೊಂದಿಗೆ ಮಾತನಾಡಿ ವ್ಯವಸ್ಥೆ ಮಾಡುವುದಾಗಿ ಭರವಸೆ ನೀಡಿದ್ದರು. ಆದರೆ, ಈ ವಾರ್ಡ್‌ನ ಸದಸ್ಯೆ ಮಾತ್ರ ಇದುವರೆಗೆ ಇತ್ತ ತಲೆಹಾಕಿಯೂ ನೋಡಿಲ್ಲ ಎಂಬುದು ಸ್ಥಳೀಯರ ಆಕ್ರೋಶಕ್ಕೆ ಕಾರಣವಾಗಿದೆ.

https://www.facebook.com/reel/895144473508630

ವಿಶೇಷ ಚೇತನರ ಹಕ್ಕುಗಳ ಕಾಯ್ದೆ, 2016ರ ಉಲ್ಲಂಘನೆ (RPWD Act, 2016): ಈ ಕಾಯ್ದೆಯ ಸೆಕ್ಷನ್ 3ರ ಪ್ರಕಾರ, ಪ್ರತಿಯೊಬ್ಬ ವಿಶೇಷ ಚೇತನ ವ್ಯಕ್ತಿಯು ಘನತೆಯಿಂದ ಬದುಕುವ ಹಕ್ಕನ್ನು ಹೊಂದಿದ್ದಾನೆ. ಸುನಂದಾ ಅವರು ಬಯಲಿನಲ್ಲಿ ಸ್ನಾನ ಮಾಡುವ ಪರಿಸ್ಥಿತಿ ಇರುವುದು ಅವರ ವೈಯಕ್ತಿಕ ಘನತೆ ಮತ್ತು ಗೌಪ್ಯತೆಯ ಹಕ್ಕಿನ ನೇರ ಉಲ್ಲಂಘನೆಯಾಗಿದೆ. ಅಂಗವಿಕಲರಿಗೆ ‘ಅಡೆತಡೆಯಿಲ್ಲದ ಪರಿಸರ’ (Barrier-free environment) ನಿರ್ಮಿಸಿಕೊಡುವುದು ಸರ್ಕಾರದ ಕರ್ತವ್ಯ. ಇಲ್ಲಿ ಶೌಚಾಲಯ ದುಸ್ಥಿತಿಯಲ್ಲಿರುವುದು ಈ ಕಾಯ್ದೆಯ ಉಲ್ಲಂಘನೆಯಾಗಿದೆ.

SCP/TSP ಅನುದಾನದ ದುರ್ಬಳಕೆ ಅಥವಾ ನಿರ್ಲಕ್ಷ್ಯ: ಪರಿಶಿಷ್ಟ ಜಾತಿ ಮತ್ತು ಪಂಗಡದ ಅಭಿವೃದ್ಧಿಗಾಗಿ ಮೀಸಲಿಟ್ಟ SCP/TSP (Scheduled Caste Sub-Plan/Tribal Sub-Plan) ನಿಧಿಯ ಅಡಿಯಲ್ಲಿ ವೈಯಕ್ತಿಕ ಸೌಲಭ್ಯಗಳಿಗೆ (ಶೌಚಾಲಯ, ಕುಡಿಯುವ ನೀರು, ವಸತಿ) ಮೊದಲ ಆದ್ಯತೆ ನೀಡಬೇಕು. ಸಮುದಾಯ ಶೌಚಾಲಯಕ್ಕೆ 8 ಲಕ್ಷ ರೂಪಾಯಿ ಖರ್ಚು ಮಾಡಿದ್ದರೂ, ಅತಿ ಸಂಕಷ್ಟದಲ್ಲಿರುವ ಅರ್ಹ ಫಲಾನುಭವಿಗೆ ವೈಯಕ್ತಿಕ ಶೌಚಾಲಯದ ಸೌಲಭ್ಯ ನೀಡದಿರುವುದು ಅನುದಾನದ ಉದ್ದೇಶದ ಉಲ್ಲಂಘನೆಯಾಗಿದೆ.

ಎಂಡೋಸಲ್ಫಾನ್ ಪೀಡಿತರ ಹಕ್ಕುಗಳ ಉಲ್ಲಂಘನೆ : ಉಚ್ಚ ನ್ಯಾಯಾಲಯದ ನಿರ್ದೇಶನದಂತೆ, ಎಂಡೋಸಲ್ಫಾನ್ ಪೀಡಿತರಿಗೆ ವಿಶೇಷ ಕಾಳಜಿ, ವೈದ್ಯಕೀಯ ಸೌಲಭ್ಯ ಮತ್ತು ವಸತಿ ಯೋಜನೆಗಳಲ್ಲಿ ಆದ್ಯತೆ ನೀಡುವುದು ಕಡ್ಡಾಯ. ಅಧಿಕಾರಿಗಳು ಇವರ ಸ್ಥಿತಿಯನ್ನು ಪರಿಶೀಲಿಸಿ ತಕ್ಷಣದ ಪರಿಹಾರ ನೀಡದಿದ್ದರೆ ಅದು ನ್ಯಾಯಾಲಯದ ಆಶಯಕ್ಕೆ ವಿರುದ್ಧವಾದುದು.

ಪಟ್ಟಣ ಪಂಚಾಯತ್ ವ್ಯಾಪ್ತಿಯಲ್ಲಿ ವಾರ್ಡ್ ಕೌನ್ಸಿಲರ್ ಮತ್ತು ಮುಖ್ಯಾಧಿಕಾರಿಗಳು (Chief Officer) ತಮ್ಮ ವಾರ್ಡ್‌ನಲ್ಲಿರುವ ಅತಿ ಹಿಂದುಳಿದ ಮತ್ತು ಸಂಕಷ್ಟದಲ್ಲಿರುವ ಫಲಾನುಭವಿಗಳನ್ನು ಗುರುತಿಸಿ ಅವರಿಗೆ ಸೌಲಭ್ಯ ತಲುಪಿಸುವುದು ಅವರ ಶಾಸನಬದ್ಧ ಕರ್ತವ್ಯ.